...............
انا حسيت انها دايره ف دنيا جميله دنيا تانيه اصلها الحلم ممكن تكون مشاعر حب عبرت عنها برقصها عاريه متحرره عن اي قيود مثل الملابس لتكون حره معــتزه بجسدها وتناسقه مستمتعه بانطلاقها وحريتها ولياقته ... وهذا ظهر في الصـورة من خلال تمايل الرأس مع الجسد وبالأخص الأذرع المرتفعه الطائره وكأنها ترقص رقصة التنوره
.................
دي رســمه بالرصاص تمت في صباح يوم الجمعــة
موافق 30/05/2008
هناك 13 تعليقًا:
تحفة ..
مرســــــــــــــــي
بس توزيع اللون الأسود في المنطقة اليمين إنت قاصد إنه يكون مخطط ؟
إنت راسمها بفحم موش كده !
معلش التعليق الأول كان مختصر عشان بس كنت في سفر "الجروب" فعلقت من الموبايل ..
بس بجد جميلة ..
بس ما تعريفك الشخصي للمرأة الحالمة أو بمعنى أصح أحب تكلمني عنها من منظورك .. أوك
هاف أنايس داي ..
ازايك يا عمر
انا شكر ع تعليقك
والرسمه دي كنت فرحان جداً بيها بعد الأنتهاء منها جداً
انا بحس اني لما بأنتهي من عمل جميل زاي ده بمشاعر قوية جدا مصحوبة بالأنجاز بالقيمة بروح الخلق و الأبداع
انا عارف اني مش فنان ع درجه قويه انا مجرد موهوب بس مانكرش ان ده بيرفع حالتي المعنويه جداً
الرسمه مش بالفحم انا جربت ارسم بالفحم معرفتش بس هي بالرصاص
وانا كنت أصد الخطوط الي بالميل دي
عشان انا بحس ان الرسم لازم يكون متفق و متناسق ف خطوطه
اما اصعب سوءال هو التعريف الشخصي للمرأة الحالمة..:
انا مش بعرف اعبر عن ارائي وافكاري ويمكن ده كان اقوي سبب دفعني لعمل هذه المدونة ومش فيلسوف زايك عشان الكلام الكبير ده يا عمر..
بس هاحاول
انا حسيت انها دايره ف دنيا جميله دنيا تانيه اصلها الحلم ممكن تكون مشاعر حب عبرت عنها برقصها عاريه متحرره عن اي قيود مثل الملابس
لتكون حره معتزه بجسدها مستمتعه بانطلاقها وحريتها ..
ظهرت من خلال تمايا الرأس مع الجسد وبالأخص الأذرع المرتفعه الطائره وكأنها ترقص رقصة التنوره..
يخرب عقلك دي رهيبه جدا .. بجد .. انت فنان
عارف بقى أنا عاوز منك إيه !!
بما وإنك يعني بسم الله ما شاء الله بترد كويس عالأسئلة بإسلوب جميل راقي
عاوزك تبقى تحط تعريف للوحاتك زي تعريف الحالمة ده ..
بجد طريقة إجابتك حلوة وراقية ..
وبس
بجد انا متشكر لأنك انت السبب ف
اني لما اتسائلت عن الفكره لاقيت اني لازم اعرضها ع الصوره
وفعلاً هعمل بنصحتك
بجد انت لفت نظري للموضوع المهم ده
متشكر يا فنان
الجميله
عاقله ع ارض الجنون
_________________
انتي بجد فتحتي نفسي
انا سعيد انك اول بنت علقت ع الصوره من غير تحفظات او هجوم وعقد وشوية حاجات مالهاش لازمه
شكراً ع رائيك ف شغلي
شكراً ع تحفيزي
انا بقي مش مع عمر
ف موضوع التعريف ده ..
أنا شايفه انك تكتبه ف تعليق أفضل عشان تدي فرصه للمتلقي إنه يحس اللوحه مش ياخد احساسك و يطبقه علي اللوحه
فاهم قصدي و لا ايه ؟؟
ياسمين
----
سمعنا واصعنا يا فندم :))
ده رايك عن مفهوم المرأه الحالمه ؟؟
ازايك يا شاعره
فينك من زمان مناورتيش مدونتي من زمن الزمن
بس انت شايفه الفتاه الحالمه ازاي
ده كان احساسي بيها وخرجت وانا نفسي منبهر بيها
انا كمان خدتها من الأنترنت كانت صوره ابيض واسود
تمثيلك لجسدها حي.. منين جبت الدقة دي ... مفيهاش "ديفو"...
جمالها ميتوصفش برضه :)
إرسال تعليق